Романот „Крпен живот“ од Стале Попов е битово-социјален и семеен роман. Настаните се подредени по хронолошки ред. Во него детално е опишано селото Витолиште, а опфатен е периодот од крајот на XIX и почетокот на XX век.
Раскажувањето е во трето лице од сезнаечки и сеприсутен наратор.
Темата на романот е животот на семејството Сукаловци од мариовското село Витолиште, а идејата е да се даде целосна слика на животот (обичаите, јазикот, фолклорот) во мариовските села при крајот на XIX и почетокот на XX век.
Романот претставува жива енциклопедија на животот и луѓето од Мариово и изобилува со етнографски и фолклорни обележја, детално опишани и оживеани преку ликовите, односно преку семејството Сукаловци.